بجد انت مين
تايه فى دموع وانين
خدعاك كل السنين
جواك انسان حزين
بجد انت مين
بتضحك قدام الناس
واكيد جواك احساس
وثابت زى الاساس
بجد انت مين
عنيك مليانه دموع
وقلبك بين الضلوع
مطفى طفا الشموع
ومحبوس مهو سجين
بجد انت مين
الضحكه كانت فيك
وحنيتك ملك ليك
والنظره وراها غموض
وراها بحر سكوت
اعاصير ودوامات
وحاجات تجرح فى الذات
بجد انت مين
انت الامل كان فيك
علمت الحب وبان عليك
ودخلت مدرسه الاحزان
وصلت الاحاسيس
وكتبت الاشعار على الكراريس
بجد انت مين
انت الى كنت شجاع
وبتقول الاقاويل
انت الامل اللى كان
لايمكن يكسره انسان
ولا الاحزان تأثر فيك
بجد انت مين
فى بحر الحب ابحرت يامسكين
وظنيت انك امير العاشقين
سبقت وكنت اول المغامرين
نسيت قبليك الغرقانين
بجد انت مين
مرت عليك سنين
ولسا مكانك يامسكين
متخبط بين كل الناس
مش فاهم ايه الاساس
تعبان ودايما وحزين
بجد انت مين
اطلع من اللى انت فيه
وانسى كل اللى فات
وانسى الذكريات
الجب رزق جميل بيجى زى النصيب
بجد انت مين
يلا احنا بناديلك
وحشان سنينك
اركب معانا سفينه المتوكلين
فيها الحب كتير
فيها الامل كبير
بجد انت مين
7 comments:
السلام عليكم
البوست المره دي له مذاق مختلف واحساس جميل جداوممكن من كل جمله فيه نعمل موضوع تاني وده حاجه كويسه انه يكون شامل اكتر من حاجه حتي اسمه بجد انت مين؟
اعتقد ان الواحد لازم بينه وبين نفسه يبقي عارف هو مين بس ساعات الواحد بيتوه من نفسه وتلاقيه بيحاول يبقي واحد تاني بس ده من الخارج لكن بينه وبين نفسه عارف هو مين
عجبتني كام جمله
اركب معانا سفينه المتوكلين
مش عارفه ليه اول مقرات الجمله دي افتكرت سفينه سيدنا نوح بمعني اللي ركب السفينه هينجي من الطوفان مش هيغرق .وكمان اللي هيتوكل علي الله ويسبها علي ربنا عمره مهيغرق
الحب رزق جميل بيجي زي النصيب
اه الحب نصيب ورزق زيه زاي الشغل والنجاح بس ربنا بيقول اسعي ياعبد
يعني مش نقعد في البيت وعايزين نشتغل ونقول لسه النصيب مجاش
مش معني كده ان ندخل في علاقات علشان بندور عالانسان المناسب لا
بس برضو معزلش نفسي وافضل مستني النصيب لما يجي
انا شيفه اني زاي مبحط هدف اني انجح في شغلي وبسعي في ده
برضو اسعي فاني ارتبط بشخص كويس
وكون عيله وحقق حلمي في الاستقرار
بس ده طبعا بيختلف من بنت وولد
الولد ممكن يسعي ويدور واعتقد كمان البنت ولو قابلت حد كويس وبيتقي الله تحاول تتمسك بيه .وطبعا كل شي بيد ربنا
عموما البوست رائع وعجبني
وتمنياتي لك بمزيد من التقدم والنجاح
وتحياتي
عجبني رد انا ملكة زماني وقصري كله ناس اكتر من البوست بصراحه
ده رد ببوست لوحده
بس بوست مميز يااحمد كفاية انه اهداء لأاي انسان مش لاقي نفسه
ربنا يكون فو عونك عارفك مشغول اليومين دول وبالتوفيق
حلوه اوى جدا
قراتها كتيير
وكل مره اكتشف حاجه جديده
بجد انت مين
؟
يا ترى احنا فعلا بنقدر نعرف الناس اللى حوالينا كويس ولامجرد اسماء ووجوه وفجاءه ممكن نكتشف حاجات كتير
تحياتى
انا ملكه زمانى وقصرى كله ناس
تختار عناوين مااقواها وما اعقلها
الموضوع ده فعلا ميزته حاجه انه ممكن يكلم كل الناس لان فعلا كل بيت ليه معانى كتير وتقدر تعمل منها موضوع وفعلا الحب رزفق جميل بس ياريت الواحد يطله من دماغه ويعرف ان الحب الحقيقى هو اللى فى الله بجد هو ده الحب اللى هيدوم فى الاخرهو وبدج لما ربنا بياذن ان يتولد حب جديد بين اى شخصين فى الدنيا بيكون حتى لو مش بايدك او انت مخططله لان كل شىء فى اجل مسمى
حماده
اسمع انت عارف انا كتبته ليه ومين اول واحد كان فى دماغى واحد بجد حبيته وحسيت انه منى ومنكرش ان المطلع كان ليه وبعد كده الكلام جرى لحد ما
البوست خلص
ربنا يوفقنى ويخلينى دايما احس بيك
بحبك اوى
منى
يمكن انا اللى بعلقولى يدعدوا على الصوابع
وانا راضى بكده وخلاص لان دول من الاخر هما الخلاصه وبجد بحس ان انته عيلتى اللى بحب اتكلم معاكو وان كنت مقصر فى تعليقاتنى وحتى دخولى على بلوجتك فبجد انا فملكوت تانى
اعذرونى بجد
عبده بجد كتير حلوة وفي انتظار كل جديد
Post a Comment