حسيت بنقطه فراق
حسيت بيوم اختناق
حسيت انى اخسر حبيب
كأنى وسط السراب
مش شايف اى شىء
بدور على امل اللقاء
بدور وانا مشتاق
والدنيا حواليك
محدش حاسس بيك
والرعد والبرق كمان
بيخبطو هما كمان فيك
والمطر اللى فيه الامان
نازل بغدر الزمان
وجاى برده عليك
ادريت ورا شجر كبير
لاقيت الشجر زعلان
ومنى حتى غضبان
فروعه بعدها عنى
وورقه خباه منى
وحرمنى من الامان
10 comments:
السلام عليكم
حقيقي من اجمل ما قرات
سعيدة انى اول تعليق وبجد كلامك ووصفك لحالة الفراق رائع
ياسلام يااميره
ايه اللي عجبك في البوست يعني ؟؟
طيب انا معجبنيش اصلا
يله بأه
مع احترامي لأحمد
كله فراق وخنقه كده ومعجبنيش بس هه
والله يا بشمهندس دي آراء ورأيك على عيني وراسي وبحترمة بس انا عاجبني البوست جداا جداا
وبعدين متنساش ان الفراق دا حالة صح صعبة بس كتيير اوي بتريح وطبعا احسن بكتير من ان الاتنين يكونو مع بعض ومش حاسين ببعض
ولا اييه؟
لا مش صح والفراق ده بيدل على ضعف الطرفين وجهل احدهم بمعنى الحياة وازاي يقدر يواجه الامور والظروف
وده كمان عبارة عن هروب من الحاضر ليس الا
والهروب ده مش من الاسلام بصراحه
الصح ان الاتنين يواجهوا ويصححو مش يدوروا على شجره تحميهم من المطر
وطبعا مع احترامي لرأيك تماما
ورأي احمد كمان
تحياتي
والله ياوايت هارت انا معاك مع احترامي لكلام احمد .بس الفراق بيكون بمزاجنا واحنا اللي مقدرناش نواجه المفروض ان احنا نواجه المشكله ومش نقعد نقول مش بايدنا والظروف اقوي
لازم نواجهه علي الاقل لو واجهنا وفشلنا يكفينا شرف المواجهه وان احنا مكناش جبنا واتخلنا علي الناس اللي بنحبهم
وتحياتي لوايت هارت ولاميره الاحزان
ولاحمد طبعا
واختلاف الراي لايفسد للود قضيه
ايوة بالظبط كده اخيرا لقيت حد مؤيدني في رأيي
ده ايه ده الحياة في البلوجة دي صعبه جدا
ههههههههههههههه
بس هو فين احمد لحد دلوقتي مختفي فين
اه صح السؤال ده المفروض انتم تسألوهوني بس المشكلة انه فعلا مختفي
يله ربنا معاه
بيتعب اوي احمد ده امتحانات وهندسة بأه اكيد بيتعب
هههههههههههههههههههههه
تحياتي
والله رايك يا بشمهندس انا بحترمة جدا بس انا مصرة على موقفي ورأيي في الموضوع دا مش هيتغير حتى لو كان جهل زي ما انت بتقول فهو جهل من وجهة نظري ايجابي جدا مش سلبي
عموما انا شايفة ان الفراق كتير اوي بيكون حل لحاجات ملهاش حل وبعدين الفراق عمره ما كان هروب بس هو اريح بكتير من صعوبة اللقا
كل الاحترام والتقدير لرأيك يا بشمهندس وراي ملكة زماني كمان بس احنا عايزين أحمد بأه يجي يحل الخلاف الفظييع دا :D
اميره الاحزان /white heart/انا ملكه زمانى وقصرى كله ناس
السلام عليكم ورحمه الله وبركاته
يمكن اكون اتاخرت اوى على الرد ويمكن اكون برده مقصر جدا فى المدونه بس الحاجه اللى انا واثق منها انه كلوكم هتعذرونى اجمعين
اما بعد
اولا:شكرا ليكى يا اميره على كلامك والحقيقه انا مكنتش بوصف حاله للفراق ولكن لو اخدى بالك من الموضوع هتلاقينى قولت حسيت بنقطه فراق يعنى حصل موقف معين فحين فى لحظه من اللحظات انى حسيت بفراق وابتديت احكى واشبه بكل التشبيهات اللى فى الموضوع يعنى الحكايه انى مش بتكلم عن الفراق بحد ذاته زى ما انته عرفين
والاستاذ ابن اختى المفرض عارف كده كويس
وموضوع ان الفراق يريح ولا لا وده اللى انتوا كلوكو مختلفين عليه انا شايف كل حاله من الفراق ليها ظرفها فمن الصعب جدا اننا نعمم
فبأمانه انا شايف انك يا اميره ممكن يكون عندك حق
بس لازم فعلا نعمل زى ما محمد بيقول اننا نحاول نوصل لنقطه اتفاق ونشوف ايه المشكله وناخد بالاسباب ونسيب البباقى على ربنا ومتستسلمش على طول وده برده حاله ولازم يكون الطرفين اصلا كانو بحبو بعض
اما فى حاله ان اصلا مفيش حب من احد الطلارفين ومرفوض اساسا منه فكلامك هنا ياميره هيكون صح
واخيرا انا ملكه زمانى
اولا مبروك على المدونه الجديده
مشكله عن مشكله بتفرق وموجهه عن موجهه برده بتفرق كل يا استاذه وليها وليها برده غذرها وميعلمهاش الا لاله كلامك صح برده المفروض ان اجنا ما تستسلمش اه معاكى جدا ونوجه ونحاول ونسعى بكل وقتنا بس لازم نتيقن ان فى حاجه اسمها اسمه ونصيب وفى برده حاجه اسمها استخاره وفى اللحظه ده احنا لايمكن هنندم على شىء حصل ومتوفقناش فيه
واخيرا برده هقرر واقول كل حاله وليه ظروفها وليه اعذرها وليها عواملها واسبابها
واخيرا شكرا ليكو وكلوكو وبجد كنتم وحشنى جدا
ايه يااحمد الغيبة دي
اغيب اغيب اسأل عليك
ههههههههههههههههه
وبعدين ايه الخطبة بتاعة اما بعد دي
وكمان بتقول عليا استاذ انته نسيت اني فيؤ كلية الهندسة وله ايه ؟؟؟
اما عن كلامك فاانا مش هعلق لإن تعليقي مش هيعجبكم
ودمتم
اخدت بالك من دمتم دي
اوك يا احمد انا هحترم رايك جدا وموافقه ان كل شي نصيب بس يمكن كل واحد بيعبر عن رايه من اللي هو حاسه واو من وجهه نظره .وبعدين ايه حكايه استاذه دي جديده بس حلوه .
تحياتي ليك وربنا يوفقك
Post a Comment