Friday, April 25, 2008


تاج من منى

اختار اى عصر من عصور مصر تعيش فيه وفى عهد اى حاكم واشمعنى؟

عصر الرسول وفى حكم الرسول لانه الرسول

أول اولويه فى حيات
عيلتك ولا شغلك ولا اصحابك;

العيله والشغل لان قطع العائله من الكبائر وعدم الشغل يساعد على التسول والضياع
ايه اكتر حاجه بتحبها فى رمضان؟

جماعيه الطاعه
اوصف اجمل افطار ممكن تفطره؟

مع كل حبايبى
لو انت حاكم على مجموعه هتكون عادل؟ وهتتاكد ازاى انك حاكم عادل؟

هحاول ابذل اقصى جهدى وادعى ربنا انه يوفقنى انى احكم بالعدل
ايه اللى بيبوظ الحكام ،نفسهم ولا الشعب ولا الحاشيه المقربه؟

كله مع بعضه
مين اكتر اعلامى مصرى بتحترمه؟

مفيش
لو ممكن تشتغل شغلانه تانيه كنت تحب تشتغل ايه؟

هو انا بشتغل اولانيه علشان اشتغل تانيه
ايه اكتر بلد تحب تعيش فيها بعد مصر؟

المدينه المنوره
اوصف ترتيبات اجمل فرح ممكن تحضره؟

قاعتين قاعه للنساء وقاعه للرجال منعا للاختلاط برده علشان الواحد يبدأ حياته بطاعه ربنابس كده
بتراعى كلام الناس والقيل والقال ؟لو ايوه او لاء قول ليه؟

لا احسا حاجه انك تريح دماغك من الحوارات ده
صحيت من النوم ملقيتش الموبايل ولا الكاميرا الديجيتال ولا الكمبيوتر ورجعنا لعصر الحمام الزاجل والاحصنه هتكون سعيد؟

لو حابيبه كلهم معايا عمرى ما ازعل
السعاده هى ؟

الرضا والقناعه
عندك امل؟اسبابك؟

ايوه فى الله طبعا
لما تحب تهرب من كل شئ بتروح فين؟

بروح اصلى ركعتين وابكى لربى
امتى اول مره خت نفس طويل وقلت ياه انا فعلا كبرت؟

لما شوفت العيال بتلعب تحت بيتنا افتكرت كل ايامى الجميله
لما بتعمل عمل خير بيكون ايه دافعك الاول؟

ان العجب والرياء ميدخلش قلبى
بتشرب سجاير؟ وايه شعورك لما تلاقى ست او راجل بيشرب سجاير؟

لا بحمد ربنا انه عفانى من المصيبه ده وان ربنا يعفيهم هما كمان
بتعرف ايدك اليمين من الشمال ازاى؟

اللى بكتب منها
فى رايك ليه الذوق والنخوه انعدموا؟

الزوق والنخوه منعدموش بجد فيه ناس كويسه كتير فى الزمن ده
ايه الحاجه اللى لو حصلت تبقى سعيد قوى؟

ان اشوف كل الناس بتحب بعض
عايز يبقى عندك ارض زراعيه ولا اجنس عربيات ولا كام عماره ولا فلوس فى البنك؟
نفسى اعيش راضى وخلاص
البحر ولا النيل؟

البحر
مركب ولا طياره؟

مركب
مجنون ولا عاقل؟

عاقل بس ساعات بتجنن
تقرا كتاب ولا تتفرج على فيلم؟

كتاب دينى ممكن
تمرر التاج لمين؟
اى حد نفسه يجاوب عليه يتفضل ياخده

Friday, April 18, 2008


أخريوم

اخر يوم اشوفك فيه

خلص الكلام وايه بعديه

وايه ناقص هبكى عليه

يلا يادنيا عدى فى ثانيه
وخدى كل اللى تحبيه

بجد وداع وهقول ايه

وأكيد فى يوم هتنسنى
وتنسى انك قابلتينى

بس انا هفضل فاكر دايما
ان كان فى واحده قالتلى

انهض وانسى كل الامك

يلا وحقق كده احلامك
يلا النور اهوجى واقرب
وانسى جراحك وأحزانك
ليه عايش فى الهم وحدك
قرب كده وشوف احبابك


يلا ياقلبى كفايه الام

خلص خلاص كل الكلام

وفى النهايه يلا سلام

Wednesday, April 16, 2008


الحب المفقود
حينما يكون حبيبك بين عينيك تراه وقد لايراك تستمع صوته وقد لاتسمع،دائما على ذهنك دائما تفكر فيه ،ولكنه ببرود أعصابه لايحس بك لايسمع نبضات قلبك الذى تدق له.

وحينما تفرح لرؤيته تود لو يأخذك فى حضنه ولكنه بكل بساطه لا يدرى ماذا تريد تزداد الامك وتشعر بأنه يجرحك ولكنك بحبك له وخوفك من مضايقته تصمت وتحترك بداخلك وهو لايشعر بك تحاول التقرب اليه بشتى الطرق وهو بكبره وصلابته يقف أمامك كجبال من الثلج لايعطى لك أى رد فعل.

وعندما تأتى اليه وانت سعيد بأنك فعلت له شيئا يفرحه وهو بكل هدوء لايهتم بأمرك فتشعر باحباط يتوالد داخل نفسك
وحينما تراه يعاملك معامله قاسيه لاتدرى ماسببها وانت بكل الحب تعامله فتزداد دموعك وتزداد حيرتك
وعندما يكون فظ غليظ القلب معك يحاول ان يجعلك تغادر من حياته بدون سبب وانت بحبك له تخاف ان تقف امامه فيغضب منك

نعم انه الحب المفقود الذى يبحث احيانا عنه الابناء ولايجدونه فى أباويهم ويبحث عنه الاخوات ولايجدونه فى اخوانهم
والازواج ولايجدونه فى ازواجهم والاقارب ولايجدونه فى أقاربهم
وبسبب الحب المفقود قطعت ارحام وظلمت اباء
فياليت الحب الحقيقى يعود
وان جاءك شخص يطلب منك الحب فلاتهينه ولاتغضبه فان لم تكن تحبه فعامله معامله حسنه
حتى لاتسىء اليه وينتشر الحب والموده بيننا




Sunday, April 6, 2008


الموضوع ده ممكن تهديه لاى حد من حبايبك مكسور وحزين وانا حبيت اهديه لحبيبتى مصر علشان اللى هى فيه وطبعا شبهتها بانها بنت مجروحه ومنكسره
دموع كانت فى عنيكى
والحزن بجد مليكى
حسيت بكل الاسى
وأنى عاجز معاكى
عاجز أكون وياكى
وأمسح دمع عنيكى
وأذيل جروح قلبك
وأكتر كده من حبك

لكن بجد ماأقدر...
حتى أقرب منك..
أقولك كلمه كده...
تهدى من حزنك
حزين والله عليكى

لكن بجد بدعى..
وكان دعائى ليكى
يارب يخفف عنك
ويزيل الهم منك
ويشرح دايما صدرك