Monday, August 4, 2008


حبيبى فى الله ايه رأيك


على الاحزان هنعدى


والايمان معانا

وعلى المعاصى هنقضى


تذكرنى وذكرك

تفكرنى وفكرك

وفى الطريق سالكين


نجاهد وهنتعلم

هنواجه وهنتألم

وهنسعد ونفرح

فى مكان ملهوش مطرح

للعصاه واللاهيين


تكون معايا حبيبى صديقى

ولانتفارق ولانستسلم

لاى ابتلاء ولازم نتعلم

وبربنا نستعين

ونتمسك بهذا الدين


وانادى وقول

هوده حبيبى

اللى فى الله حبيته


ولما تشوفنى حزين

تجيلى حبيبى

تطمنى برحمة الرحيم


ولو فى المعاصى لاقتنى

توعظنى وعظة الحاكمين

والابتسامه بين شفتيك

والامل اشوفه فى عنيك

وباللين تكون معايا

وبالهدوء كده ويايا


حبيبى ايه رأيك


وان شوفت الهلاك حواليا

والذنوب جيا عليا

دعوه جميله تطلع منك

وبكاءك يملى كل العين

ان ربنا يهدينى

ويغفرلى ويبعدنى

عن كل العاصين


حبيبى ايه رأيك





15 comments:

Anonymous said...

شوفت بقى لحقت اكون اول كومينت عندك عشان تعرف بس كلاممك جميل ويارب يبقى على طول جميل وربنا يزودك ايمان كمان وكمان

منى said...

هو بعد الكلام ده
ممكن اى حد يقول غير
ماشاء الله

الكلام هادى وجميل وكله ود

والمعانى بجد رائعه
هو فعلا كل حد فينا محتاج حد يقوله احيانا خد بالك
بس بالراحه
ونكون حاسين بالنيه الطيبه من النصيحه
انه فعلا عايز لك الخير

وان شوفت الهلاك حواليا
والذنوب جيا عليا
دعوه جميله تطلع منك
وبكاءك يملى كل العين
ان ربنا يهدينى
ويغفرلى ويبعدنى
عن كل العاصين

الحته دى فعلا خلتنى ادمع

***

هنواجه وهنتألم
وهنسعد ونفرح
فى مكان ملهوش مطرح
للعصاه واللاهيين


هنا اعتقد تقصد الجنه

يارب
يارب
يارب
اكتبها لنا جميعا
ومتحرمش حد منها


ربنا يكرمك دايما ويوعدك وايانا الفردوس الاعلى
تحياتى

RaRa said...

ماشاء الله
فعلا فعلا
كلمات ساحرة
والله بجد اجمل الكلمات اللى تتكتب لما
تكون عن ربنا
ربنا يوفقك دايما

دمت دائما مبدع

WhItE HeArT said...

انا جيت والله مع اني مشغول جدا وانته عارف وبدخل عند الناس ومش بلحق اعلق بس مقدرش اعدي البوست ده بالذات لإنه سحرني جدا بكلماته

وفعلا اتأثرت بيه

ربنا يعينك وبدعيلك بالتوفيق

تحياتي

PrInCeSS BeRy said...

مفتكرش حببيك ينفع يقولك حاجة بعد دة كلة غير انها تقلك ربنا يخليك ليها علشان انت عاوزلك وعاوزلها الطريق الصح

ويارب يسعدك وتحياتى لك

ريمان said...

السلام عليكم

بسم الله ما شاء الله

كلام بجد جميل اوى

ومفيش راى غير كده

احلى حاجه بجد الحب فى الله

ومدونتك عجبتنى اوى

ربنا يبارك فيك ويتقبل منك

منى said...

هو انت مع وايت هارت ولا ايه
لو مفيش عذر جامد
يبقى انا زعلانه بجد

secret-love said...

منى
وحشانى موت والله كتير اسف اسف اسف اسف بجد لانى اتأخرت ومسألتش على اختى والله كنت مشغول اوى وجدا كمان وفى حاجات كتير عايز اقولهالك بس مش هينفع على البلوج ونفسى افرحك كمان لانى شايف انك اختى ولازم اشاركك فى افراحى وربنا يخليكى ليا اختى الكبيره حقا حتى لو لم نلتقى فلتقبل عذرا من اخيكى الصغير

RaRa said...

كلمات جميلة اوووووووووى

كل سنة وانت طيب

رمضان كريم

منى said...

خلاص مش زعلانه
لا فرحانه عشان انت فرحان
ربنا يكرمك ويسعدك دايما كل سنه وانت طيب

Anonymous said...

كل سنه و انت طيب و رمضان كريم

secret-love said...

منى
صافى يالبن

secret-love said...

RARA
رمضان كريم والله كلكو بجد وحشنى ويارب مايحرمنى منكو

secret-love said...

ريمان شكرا على الزياره الرائعه ده

secret-love said...

اجندا حمرا
وحشانى كتير ربنا يخليكى لينا رمضان كريم والله بجد انت احسن منى