Wednesday, January 27, 2010






 

بتشكى كتير وبتبكى


ودمعك لسا بيحكى


عن أيام كانت ليك


عن حب كان فى إيديك


الدنيا كانت معاك


وحبيبك كان فى عنيك


بتحافظ عليه وتحميه


من نسمه هواه تخبيه

جوا قلبك تداريه


الناس شاوروا عليك


مهو حبك بان فى كلامك

 

اقوالك وافعالك والضحكه اللى فيك 


والكل كان بيقول 


الحب اكيد هيطول 


بين حبيبين على الحب اتوعدوا


استحاله يعيشوا فراق


او لحظه فيها بكاء


القدر نزل وانكتب 


على قصه حروف من دهب


والحب اصبح جرح


والحزن نسى الفرح


ومشى بعيد تايه 


وخداه حسره عين 


ضحكه تبان فى عنيه


وجواه نار وانين





 

9 comments:

Anonymous said...

اسلام العايدى
احمد انا اول مره ادخلك انت عارف انى مليش فى الكلام ده بس بجد عجبنى الموضوع وشدنى لاول مره وربنا معاك ياخويا ويخفف عنك اى هموم
your brother

Tears said...

جميل جو الرومانسية فى المدونة
:)

أنا ملكه زماني وقصري كله ناس said...

بوست اكتر من رائع تسلم ايديك
كلامات قويه ومعبره جدا
ويارب يخفف عنك ويفك كربك ويسعدك
تحياتي ليك

مهموهة أحمد said...

كلام اكتر من رائع و الله

حلو اوي اوي و اجمل ما فيه بساطته و الله
تسلم يا احمد و ربنا يسعدك دايما يا رب

مع خالص تحياتي و تقديري

secret-love said...

اخويا
ربنا يخليك ليا وتكتبلى دايما

secret-love said...

Tears
شكرا ليكى على دخولك المستمر ومتابعتك ليا
تحياتى حقا اليكى

secret-love said...

أنا ملكه زماني وقصري كله ناس

مرحبا بيكى فى مملكتى وعالمى الذى يحيطه كلامى ومشاعرى وقلمى المعبر عنهم فاتمنى ان ينال قصرى اعجابك

secret-love said...

الوفية للأبـــد -- مها أحمد

دائما كونى وفيه وسعيده وزورى مدونتى تجدى مايسرك
وتحياتى دائما اليكى

Ranona Elmgnona said...

رائع جدا